عندك ويندوز ايه؟


-بص ياسطي الصراحه بلا GNU بلا Unix البوست اللي فات دوخني, يعني فين Windows بتعنا الجميل في الموضوع؟
+ طب ايه بالظبط اللي ضيقك؟
 -الصراحه قعدت تقول System و مش System و مفهمتش بيروحوا فين الحجات ديه
+طب يبقي تعالي نقول حاجه بسيطه كده 
-سمعني
+دلوقتي يا سيدي الComputer اللي كل الناس شغالين عليه مكنش هيبقي حاجه من غير ال Operating system -OS-
-مهم بقي هو علي كده!
+ال OS يا سيدي ممكن تعتبرو هو الروح اللي لو موجوده الجهاز شغال, اللي هو الويندوز كده تخيل حياتك من غير ويندوز!

-اه كنت هلعب GTA و MOHA فين!
+ما علينا,
المهم ان OSS ده من غير منخش في تفاصيل عميقه, هو بيقسم شغله لحاجتين مهمين, جزء بيتعامل مع الHardware بتاع الجهاز من ال Processor لغاية ال شاشه اللي بتشوف منها و بيظبط التعامل معاهم و بيشغلهم و الجزء ده بيسموه Kernel, تاني جزء هو بيستغل الجزء الاول علشان يقدر من خلاله يشغل برامج و الالعاب و الحجات الحلوه ديه

- اه انا كده فهمت يعني الKernel ده برنامج بيتعمل علشان يتعامل مع الHardware علشان يخلي الدنيه سهله و جميله علي البرامج
 +عليك نور
-اه و يعني كده بقي الويندوز هو OS عادي و في اكتر من بديل ليه!
 +بظبط, فيا ريت متسألش حد بعد كده و تقوله "عندك ويندوز ايه؟" علشان في ناس بيتمسح تاريخهم في الجمله ديه..

- طب و هو Windows ده هو Unix برضه؟
+ﻷ يا سيدي الWindows قبل كده كان نظام اسمه MS-DOS و كان مستخدم من IBMM من التمنينات للتسعينات , بعد كده اخيرا علي 1993 حولوا علي Windows NT اللي هو شغالين علي نفس العيله بتعته دلوقتي
اما Mac OS بتاع Apple الحالي هو اللي  Unix based

-طب سؤال سريع كده يعني ايه Unix based و Unix like؟
 +تعالي ندي مثال صغير, تعالي نقول ان شركه عملت عربيه, لما عملوا العربيه عملوها بشكل معين و مواصفات معينه زي ان البنزين يبقي علي اليمين و الفرامل علي الشمال,
فلو انا خدت تصميم العربيه نفسها بجسمها بحلوتها و قعدت اطور فيها كدا هبقي  based system
 لكن لو عملت عربيه بتمشي علي بعض المواصفات او بمعني اصح شبيها, زي مثلا نفس مكان البنزين و الفرامل, بس مش شرط نفس طريقه تنفيز كل حاجه هبقي كده Like System
-طب فين Linux برضه!
+المره اللي جيه بقي ::D

تعليقات