GNU?


ما تيجي نتكلم عن GNU/Linux system؟
طب ما انا معرفش اصلا ايه هو Linux علشان اعرف GNU/Linux,
خدني علي قد عقلي طب,
نبدأ ب GNU؟ يبقي نبدأ ب GNU

ايه هو GNU؟
GNU's Not Unix
ايوه ايه هو GNU بقي؟
منا بقولك هو اختصار ل  Gnu's Not Unix
ما علينا من الاسم, طب هي ايه ديه؟
ال GNU system هو Unix like system,

يابني منا معرفش ايه هو Unix اصلا متقرفنيش!
تمام بص, Unix هو مجموعه او عيله من Operating Systems بدأو فيها من 1970 -Officially- و كان من الناس اللي بدأوه العبقري Dennis Ritchie
اللي هو مشهور بانه اللي عمل C Programming language,

طب و بعدين؟
ركز معايه, Unix كان طفره لكذا سبب منها انه كان Portable OSS, يعني سهل انها يتطوع علي انواع مختلفه من الاجهزه بختلاف الHardware,
و ده كان بفضل ال C Language,
طبعا في مميزات كتيير فيه زي ال Multi-tasking و ال Multi-user و غيره
 مش عايزين نخش في تفاصلها,

طيب جميل ايه لازمة GNU بقي؟
الفكره يا سيدي ان علي التمنينات الناس كانت معفنه شويه و مكنش في Free software و يقال ان ال Operating systems كانت غاليه جدا كمان, و الشركات كانت قفله علي ال Code بتاعها اكتر من ولادها
جميل..
فجيه بقي ناس حلوه كده راح قالوا هنعمل Project نسميه GNU, علشان نعمل  Free Software فالناس يبقي ليها Free OS يتسندوا عليه كده, بدل ما الناس خيفه تشتري Computer, و كمان يبقي مفتوح لي اي حد عايز يساعد فيه او يستخدوا بأي طريقه هو عايزه
و كلمة Free اللي كانوا بيقصدوها مكنتش معناها ببلاش
ممكن تلاقي GNU software بفلوس عادي
بس كان اصدهم, اللي يملك الSoftware ده ليه الاحقيه انه يعمل فيه اللي هو عايزه حرفيا, و منها انه يقدر ياخد الSource Code بتاعه
 ياعني البرنامج برنمجك و محدش ليه شوق في حاجه
و فعلا بدأوا في ال Project ده 1982
علي بقي 1990 كانوا خلصوا تقريبا اغلب البرامج اللي كانوا هادفينها
اللي منها compilers و editors و games و mail software و غيره
بس كان ناقصلهم حاجه مهما جدا ال Kernel
*مسيقي تصويريه*
راح جيه الاستاذ المشهور Linus Torvalds كان عمل Linux Kernel في 1991 و بقي  Free software علي 1992 راحوا قالوا كده اتعشت, نحط ده في ده و نطلع ب
GNU/Linux
يبفي كده عملنا System كامل
و بعد كده اشتغلوا و اهتموا انهم يخلوا ال System ده يقدر يستخدمه اي User حتي لو مالوش في ال Computer اصلا,
و منها عملوا ال Graphical Desktop اللي هو GNOME
اللي تقريبا اغلب الناس بتستخدمه دلوقتي
معني Graphicall يعني تشوف اللوان و ايكونات زي الويندوز و كده مش شاشه سوده و كلام اخضر و Keyboard و هاكر
و مش هو بس اللي مشهور, تقريبا اي حد بيستخدم Linux based OS
بيبقي تلت تربع الجهاز GNU
من الاخر اي Software هتلاقي قبليه حرف ال G شك انه تبعهم
زي ال GCC -GNU C Compiler
و GIMP - GNU Image Manipulation Program
و list كبيره جداااا
شوفها هنا
https://directory.fsf.org/wiki/GNU

بس انا برضه لسه معرفش ايه هو Linux ولا يعني ايه Kernel!
البوست اللي جي بقي...

References and Resources:

The image above are available under the GNU General Public License, version 3 or any later version, or the GNU Free Documentation License, version 1.1 or any later version.

تعليقات