حلو Linux علي كده يا عماد؟


-- حلو Linux علي كده يا عماد؟
++ده Monolithic opensource GPL-V2 licensed Unix like Kernel يا جدع
-- ....
++ نبدأ وحده وحده طب, بص يا سيدي
الKernel و Unix like اتكلمنا عنهم البوست اللي فات
ال Opensource يعني مفتوح المصدر يعني ال Code اللي مكتوب بيه يقدر اي حد يشوفوا
الGPL ده ال Licensee او الرخصه اللي مكتوب بيها

--ايه ال كلام ده يعني ايه License مش هو Free Software قلنا كده في اول بوست؟

++ اه يا سيدي بس في كذه License معموله من كذه منظمه بتدي لصاحب ال Software بعض الحقوق, يعني مثلا ال GPL V2 بتدي اي حد حق انه يستخدم الكود و يعمل اللي هو عايزه, بس بشرط انك كمستخدم لازم انت كمان ترفع الكود و يبقي مفتوح للناس يعني لازم يبقي الكود بتاعك تحت نفس الLicense, و في Licenses بتديك حريات اكتر و في منهم بيقفل عليك اكتر.
و اشهرهم MIT, Apache, LGPL, GPL هتشوفهم كتير في عالم الOpensource
و الموقع ده بيديك الخلاصه اللي في كل License
https://tldrlegal.com

-- هو حرف ال G اللي في GPL ده GNU!

++ هي صراحتا GNU General Public License و صحيح V2 ده ال Version بتاع ال License, و LGPL هي GNU Lesser General Public License, الفرق اللي بنهم ان LGPL بتديك حريه اكتر في انك مش لازم تShare ال Code بعد ما تعدله.

-- طيب و Monolithic ؟
++ هنتكلم عنها باستفاضه بعدين

-- طب و الاقي فين Linux?
++ هنا اهو بينزل ال Releases بتعته
https://www.kernel.org

-- طيب مش هنتكلم عن ازاي اتعمل؟

++ اه ركز كويس معايه و سيب الفشار ده!
++ بص يا سيدي استاذ Linus Torvalds ده كان عنده شغف بي ال OSS بعد ما اتخرج من الجمعه و كان الجهاز بتاعه شغال علي Unix like OS اسمه Minix,و ده معمول لغرض التعليم,و Opensource, و دي حاجه حلوه, بس كان مينفعش تستخدم الكود بتاعه ليك و ديه النقطه اللي يعتبر زقت Linus, انه لو غير او ضاف علي الCode Minix مش هيعرف يShare مع العالم التغير,
راح اتهور و بدأ انه يعمل OSS لمجرد انها جت في دماغه و كان عايز يجرب يستخدم المزايه اللي كانت في Processor 80386 اللي كان الجهاز بتاعه شغال عليه, مكنش بيهدف لحاجه كبيره,
و رفعوا علي النت, الناس خدتوا بالاحضان و بدأت تسعدوا و هوب راح بقي Linux Kernel المشهور و انضم لGNU و بقي GNU/Linux زي ما قولنا في اول بوست, و بقي الناس في العالم كله بيشركوا في تطويره لغايت دلوقتي, و لغايت دلوقتي Linus هو الOwner و ال Maintainer الرئيسي لل Kernel, و اي حد عاوز يضيف فيه او يصلح مشكله يقدر, و بعد كده بيبعت ال Fix ده في شكل حاجه بيسموها Patch, لو اتقبل بينزل في الUpdate الجديد

--ثانيه واحده Maintainer؟ هو مش قاعد علي مكتب في شركه و بيشرب Latte الصبح و حاطط رجل على رجل زي Bill Gates كده؟

++معرفش موضوع الLatte بس هو Programmer علي وضعه جدا مش قاعد على مكتب لأ و عمل اكتر من Software ناجح هنتكلم عليهم بعدين, و اه هو لسه ال Maintainer و ده لينك الGithub بتاعه اللي رافع فيها تفريعت Linux اللي شغال عليها
https://github.com/torvalds/linux

-- طب و ايه يعني برضه ما هو مجرد Kernel فالاخر و في كتير زيها زي مانت عمال تقول!

++بص, Linux علشان ال License و شعبيته اللي اكتسبها, الناس بدأت تعمله Porting او تطوعوا علي اجهزه كتير تانيه, و ده سبب انه اكتسح ال Embedded systems; "ان يكون في OS علي اجهزه بسيطه أقل من الكمبيوتر في القوة", و ده سبب طفرات و نقلات في حجات كتير جدا جدا
حتي ان اغلب الشركات الكبيره بتستخدم GNU/Linux ك OS لل Serverss بتعتهم, و حتي انك احتمال حاليا تكون شغال علي Linux, اللي هو ال Android اللي اغلب العالم شغلين عليه, و حتي في العربيات دلوقتي كمان, من الاخر في كل حته حرفيا.

--طيب انا رايح انزل Linux سلام
++ استني بس لسه متكلمناش عن ال Distributionss! .. مشي..

تعليقات